على المكشوف

أنو كلنا عم نكتب وعم ناصرر أخوانا بغزة و ... و...
بس شو إستفادوا
-بتقلي مبارحة طلع قرار مجلس الأمن بوقف إطلاق نار فوري !!!
-بقلك والله ... عنجد ... ريتو كتير ألف خيرون ما بعرف بدي إضحك ما بعرف بدي إبكي
اليوم إسرائيل خرقة الهدنة المؤقتة ورجعت توسع دائرة عملياتها وما إستفدنا شي
-ولك بدي إفهم شغلة وحدة بس
- تفضل
-إنت لوين بدك توصل
- ولك أخ منك .. أنا ما بدي وصل لمحل .. أصلاً ما بعرف ليش عم أحكي
عن غزة وكأني غزة بدو مين يحكي عنها
- بس يا أخي لازم نشرح وجهة نظرنا للغرب .. الغرب مانو فهمان شي
- وإنت قلتا مانو فهمان شي ولا بحياتو رح يفهم لأنو هيك بدو
والزاد الطين بلة أنو دود الخل منو وفيه .. يعني إذا نحنا أصحاب القضية على أساس
مانا فهمانين شي , بدك ياهم يفهموا شي !ّ
-قلك شو
- شو
- إنت الحكي معك بوجع الراس , حل عني يا لسا ما شاطر غير بالحكي
وياريت عم تعرف شو عم تحكي
- الحق معك ... أنا ما شاطر غير بالحكي .. شو بدك تعمل ... انا عربي !!!!!!!!!!!!!!

من المضحكات المبكيات في غزة :
شجب الجامعة العربية وبشدة للعدوان الإسرائيلي على غزة
السيد حسني مبارك متضامن مع الشعب بغزة
الأغاني الوطنية 24 ساعة .. القنوات الفضائية ما قصرت !!!!
الموقف الأميركي العادي : إسرائيل تدافع عن شعبها !!!
مقال قريتو بأحد الصحف البريطانية عن رجل أسرائيلي قتل " الله لا يردوا " بأحد صواريخ
المقاومة وهو أب لثلاثة أطفال " يا حرام الأطفال تيتمو "
الناس عم تموت ولا الصليب الأحمر ولا الهلال الأحمر عرفين يوصلو للجرحى
الأنروا تعلق مساعداتها بسبب إستهداف إسرائيل لها ...
النفط اللي عم يغي دبابات الإحتلال .. نفط عربي .. أكيد مانو جاي من القمر


إن الحياة لعجة فأين يروح الواحد
ما بعرف وين بدي روح بالعجقة

سلام

عنجد نحن العرب شي بخجل

لا منهش ولا منش اذا بتروح فلسطين كلها

اهم شي مايوصل البل لدقنا

طول مانحن عرب مارح ترجع فلسطين

... لفتة حلوي منك بهيك موضوع بدو سمعة ... يعطيك العافية ...

بحيك بجد على شجاعتك وكتابتك الموضوع

والله شي بيخجل يلي عم نشوفو من اسرائل

وامريكا ونسمعو بس لا حياة لمن تنادي مافي حد يسمع

ان لله وان اليه راجعون

يسلموايديك........وبتستاهل سمعة مني

انتو خدو راحتكم وانا رح اكلها

شو مشان هلأ بتقولو امير طلع عربي كمان

يلا فداكم يا اهل فلسطين المنتدى كلو وبجد كنت عم امزح ... يعني والله شي مو بس يخجل وعيب كبير كمان

بس على قولتكم طول ما نحنا عرب فلسطين صعب ترجع

يسمع منكون لباب السما
انو فلسطين تتحرر
لانو انا فلسطينية ونفسي ارجع لبلدي
وشوفا

فلسطين رح تتحرر بإذن الله وكل مؤمن بيعرف هالشي ، وبيعرف أحاديث الرسول صلى الله عليه وسلم عن عودة فلسطين وتحريرها

وانشاء الله بترجعي لهنيك يا شي خطير

انا إلي رفيق بفلسطين عم يدرس بالجامعة ، لما بحكي معو عالنت بقلو طلاع برا فلسطين شو مقعدك فيا الموت بجوز يجيك بين اليوم والتاني ، بقلي بموت وانا بفلسطين موتة بطل ... بس اذا طلعت برا فلسطين بموت موتة جبان هرب من الاسرائيليين

ايه والله معو حق يسلم تمو
وحيات ربي انو فهمان
وبيعرف شو يعني وطن

بجد مشكور كتير صديقي على اللفتة الحلوة الله ينصر اخوانا بفلسطين ... والله دمعتنا ما بتنزل من الي عم نشوفو...

وعن جد شفت كتير منتديات عم تحكي عن فلسطين ... بس متل هيك موضوع ما شفت لانو ما بيسمحو فيه لما فيه من ذكر اشخاص سياسية وطريقة حياكة الموضوع ممكن توصل لقفل المنتدى .... بحييك على قوتك يا اميرنا ... يا شادي انت بسماحك لهيك موضوع بمنتداك هاي اكبر بادرة من عربي اتجاه اخوانو بفلسطين ... لدرجة تضحيتك بالمنتدى مقابل انك تسمح لكلمة حق تنقال .. اميرنا انت بطل بكل معنى الكلمة ....

مشكور كمان للبطل صاحب الموضوع الي كمان عندو الشجاعة لقول كلمة الحق ... صحيح انا سورية مو من فلسطين .. بس الفلسطينيين اهلنا وناسنا واخوانا . ولازم نكون معهم..

تقبلو مروري

مشكورين على التعاليق الكريمة وهادي بتضل فلسطين عربية حرة أبية بس تعقيباً على امير فداها فلسطين ويسكروا المنتدى منفتح منتدى تاني وتات كمان

مشكور