مشوار

مساء الخير

مساء سوري ..رمضاني الاجواء ...

من حديقة منزلنا ..

بقرب ياسمينة زينها بياض بعض الزهرات ...

تحت سماء صيفية هادئة ....

على كرسي خشبي قديم ....

مع كوب ساخن من القهوة ....

أسير بقلم أزرق على صفحة بيضاء من دفتري الصغير …

موضوع: مشوار الإثنين أغسطس 24, 2009 8:08 pm

تحت زخات المطر ...

الدنيا برق و رعد ... و الأجواء عاصفة ..

أشد الخطا مسرعة وأنا أحمل حقيبتي و مساطري ..

كي أصل للشارع الرئيسي , وأخذ سيارة تكسي توصلني الى الجامعة ..

أصل للشارع الرئيسي .. وأقف على يمين الطريق ...

يمر ميكرو الباص ( السرفيس) المزدحم ويتوقف أمامي من دون أي اشارة مني – تفضلي يا أنسة .

_ شكراً ... ( أدير وجهي بالتجاه المعاكس متجاهلة )

يمشي السرفيس وأبقى واقفة ... و المطر يشتد و البرد أشد ...

" ليتني ركبت .. شو كان صار لو ركبت بالسرفيس " ... يطول انتظاري...

و يزداد بللي بالمطر...

واذا بطيفك يلوح من بعيد .... معقول ؟؟؟؟!!!!!

أهو أنت أم أنني أحلم ... تقترب أكثر فأكثر ... وتتسارع دقات قلبي أكثر فأكثر ..

نعم أنت هو واقع وليس بوهم ...

_ صباح الخير " هالة " ( يأتي صوتك ) .

يقف بجانبي و ينظر الي و أنا أنظر للأرض ..

أحبس أنفاسي و لا أستطيع رفع رأسي ...

أخاف أن أتنفس أمامه فتبوح زفراتي بمكنوناتي..

أو أنظر اليه فيكتشف شوقي اليه ..

يسود صمت رهيب لا يشوبه سوى صوت المطر و عجلات السيارات على الشوارع الغارقة بالمياه ...

ومن دون مقدمات أو ممهدات يأتي صوته مع لمعة البرق ...

_ اشتقت لك ..............................

صاعقة تضرب الأرض فتحرق الأخضر و اليابس .... تنسيني البرد و المطر و الجامعة ...

وحتى اسمي و اسم عائلتي ... وحتى من أنا ...

أحسست أن الكون كله قد سمع هذه الكلمة ...

أنظر من حولي مرتبكة ... فلا أرى أحد سواك .....

ثم أطرق نظري الى الأرض ... دون أن أنطق بحرف ....

ثم يأتي صوتك من جديد ...

_ اشتقت لك ............................

وتنزل صاعقة أخرى . تحرق ما بقي في من صبر .....

ثم يأتي صوتك ...

......................

ثم يأتي يصوت يقول :

_ تفضلي يا أنسي لوين مشوارك ؟!!!

أنتفض ... أنظر من حولي ... ثم أركب و أقول له " كلية العمارة لو سمحت " .

فتنطلق السيارة على نغمات أغنية فيروز ... مشوار ....

و التي تقول كلماتها ....

مين قال حاكيتوا و حكاني ع درب مدرستي

كانت عم تشتي ولولا وقفت رنخت فستاني

وشو هم كنا صغار ....

و مشوار رافقتوا أنا مشوار

و قالوا شلحلي ورد ع تختي

وشباكنا بيعلى

و شو عرفوا أيا تختي أنا .. و أيا تخت أختي

بيلفقوا أخبار..

و مشوار يا عيوني مرق مشوار

و قالوا غمرني مرتين و شد

شوف الكذب لوين

مرة مليح .. أتنين ؟

و لا ردتو إيدي .. ولاهو ارتد

شو بيفضحوا أسرار

ومشوار شفتوا و مارجع مشوار

كذبوا ؟ مين بيقول كذبوا مين ؟

امبارح بنومي سرت

إني ع زنده صرت

و الأرض مفروشتلنا ياسمين

إن صح الحلم شو صار

ومشوار جينا ع الدني ..

مشوار

مشوار..........مشوار

أأصل للجامعة .... وأدخل من بابها الرئيسي متجهة للدرج المؤدي للمرسم الخاص بطلاب السنة الثالثة ...

أقف أمام لوحة الاعلانات قرب الدرج لأقرأ ما هو جديد ....

فيأتيني صوت من خلفي ....

_ هالة اشتقتلك ....

فأنتفض من جديد دون أن ألتفت للوراء ... أغمض عيني و أستدير ....

أفتح عيني ببطء ... واذ ....

صديقتى سلمى .... فتقول

_ ولك شو صايرلك يا هبلى ... وليش التأخير .... واليوم بدنا نروح ....

تأخذي من يدي و تحادثني بيومياتنا و مغامراتنا البناتية ...

آه .....

يبدو أنني أدمنتك ...

كتبت هذه الخاطرة في شتاء الـ 2007 . هالة ......

موضوع: رد: مشوار الثلاثاء أغسطس 25, 2009 4:51 am

ما شـا الله شي روعـــة.... عنجد خاطرة كتير حلوة يــعطيكي الـــ ع ـــــافيــة.... وبانتظار جديدك.

تقبلي مروري

موضوع: رد: مشوار الثلاثاء أغسطس 25, 2009 9:58 am

بتعرفي ... وانا عم اقرا الخاطرة صرت بمكان بعيــــــــــــــد كتيــــــــــر
كتير انسجمت معها ... بطريقة غريبة ...

مشوار 8645

بجد شي كتير رائع ...

موضوع: رد: مشوار الثلاثاء أغسطس 25, 2009 3:47 pm

شكرا للطف هارد ومرورك الجميل ...

.....................................................

شكراً روزي لالا ما البركة فيكي وبمواضيعك اللي عم تستفز المشاعر وتنبش القديم ..

بس ولا يهمك ...

(( يمكنك أن تلامس جراحك عندما تشفى منها ...))

موضوع: رد: مشوار الأربعاء أغسطس 26, 2009 11:54 pm

كنت رح قلك يا هالة حاسة من القصائد والمواضيع انك عم تحكي قصتك عبر كلمات وهالطريقة عجبتني ورح تابع معك ..

مشكورة صديقتي

وتقبلي مروري

موضوع: رد: مشوار الخميس أغسطس 27, 2009 8:13 pm

أهلا و سهلا فيكي وردة .. وشكراً للطفك ...
نورتي..