شأننا .. أم .. أهلنا ..

هل اخترت برغبتك الفرع العلمي أو الأدبي ؟


اخترت علمي مو لانو اهلي قالو .. بس انا بقدر عالعلمي وشاطرة فيه اكتر
واخواتي قبلي علمي .. فدخلت علمي ..تلقائيا بلا تفكير ...
علما بأن : لو كنت قايلة بدي ادخل أدبي راح يعارضو ...
بس منيح اني كنت بحب العلمي ..


هل اخترت برغبتك فرع الجامعة الذي تريد ؟


للأسف نو
وقت كنت عم سجل ماضل حدا بالكون ماصار بيفهم بالمفاضلات
والأقسام المنيحة ويحكي بالمستقبل ويعطي رأيه وانا راي اخر شي ..

هل ستختار برغبتك فيما إذا ستكمل دراسات عليا أو دبلوم تأهيل ؟


اي اكيد ...

أليست كل هذه الأمور من حقك !!!

من حقي طبعا وكتييير ..

أليست هذه أنانية منهم !!!!

احيانا اي بس مو بايدون


لماذا لا يقدر الشباب ظروف الأهل وأسباب خوفهم و هواجسهم ..؟؟

لانو احيانا بتكون زيادة عن اللزوم .. ولمبرر غير منطقي ابدااا

أليس الهدف من قراراتهم مصلحتنا ..

احيانا لا ... مجرد فرض رأي وتحكم ..

أليسو بالنهاية أهلنا و رضاهم من رضا ربنا ..

امم .. ولهيك ساكتين .....


ما رأيكم في تدخل الأهل في شؤون الشباب و الصبايا؟؟؟؟؟؟


كل شي بزيد عن حدو بينقلب ضدو ...

هلأ بعد ماصرنا كبار وواعين ... مفروض مننا نكون نتعامل معهم بحكمة ..

نمشي اللي بدنا اياه بذكاء .. بدون مازعلون , ولا نحسسون انو راينا اللي مشي ...

اكيد اهلي بيدخلو بكل صغيرة وكبيرة بحياتي .. واحيانا بكون بطريقة بتزعلني

وبمشي اللي بدون اياه .. متل ماقلتي لانو رضا الله من رضا الوالدين ..

بس بأموري المصيرية مثلا خطبة او زواج .. هون بتعامل معون بحكمة وذكاء ...


يعطيكي العافية عالموضوع ...

تقبلي مروري ...

و الله ما بعرف شو بدي قللك ..

بالنسبة لألي ما انا اللي اخترت الفرع العلمي و لا اخترت شو بدي ادرس بالجامعة .. و أصلا كنت كرهان الفرع اللي عم ادرسوا و تركتو و ما قدرت كمل ..
و هلأ بالنسبة لأخواتي الأصغر مني فبشوف هنن شو بحبو و أنا بوقف معهن بكل ما عندي من صلاحيات بما أني الأبن الأكبر ..
لأن بعتبر من الخطير تدخل الأهل بهيك مواضيع .. من عدا شي هذا اسمو عمر المراهقة .. يعني شو بتقللو بيعمل العكس .. هههههه

بالنهاية هنن أهلنا .. لكن لما بيشوفو الابن الأكبر معارض فممكن يغيرو شوي من عنادهم .. ههههههه
و أمر التدخل عبارة عن إثبات سلطة .. حيث أن الأهل بيشوفو الابن أو الابنة عم يكبر و بيتخيلوه عم يتخذ قراراتو بنفسو و هنن صارلهم عمر عم يعلموه كيف الحياة ... و كل الأهل بيتمنو أولادهم يطلعو متلهم فهذا أمر عادي ..

على كل إذا الشخص حاسس أنو اختيار الأهل غلط و أكيد رح يكون نتيجته الفشل فعليه مناقشة الأهل .. و إذا الأهل ما بيتناقشو ... الله يكون بعونه ..


تحياتي
جي تي

هل اخترت برغبتك الفرع العلمي أو الأدبي ؟

يس انا يلي اخترتو علمي

هل اخترت برغبتك فرع الجامعة الذي تريد ؟
انا اخترتو كمان واهلي ما عارضو وقالولي حلو

بظن انو الاهل ما لازم يدخلو بموضوع الدراسة لانو الشب او البنت اذا ما كانت حابة الفرع)
يمكن ما تتاقلم معو ومن الممكن انو ما تكمل
بظن انهم ينصحوهم ويعطوهم وجهة نظرهم وليش اختارولهم هاد الفرع
ويتركوا حرية القرار لالهم

هل ستختار برغبتك فيما إذا ستكمل دراسات عليا أو دبلوم تأهيل ؟

انشالله اي انا رح اختار

أليست كل هذه الأمور من حقك !!!
اكيد من حقي

أليست هذه أنانية منهم !!!!

فعلا انا بحس انها انانية من الاهل يلي بجبروا اولدهم انهم يدخلو فرع مو عاجبهم

لماذا لا يقدر الشباب ظروف الأهل وأسباب خوفهم و هواجسهم ..؟؟

لانو خوفهم عليهم ما بينحل بانهم يدخلوهم بفرع او يجبروهم على شي مالهم حابينو

أليس الهدف من قراراتهم مصلحتنا ..
هو اكيد من وجهة نظرهم انها لمصلحتنا
بس مو بالضرورة الواقع يكون هيك
متل يلي بيجبرو الولد مثلا يفوت علمي وهو ميوله ادبية او مو شاطر بالرياضيات او المواد العلمية
هيك ممكن الولد ما يتفوق بالعلمي مع انو ممكن كان بيقدر يتفوق بالادبي

أليسو بالنهاية أهلنا و رضاهم من رضا ربنا ..
صح هالحكي بس لازم الاهل كمان يتفهمو رغبة اولادهم

ما رأيكم في تدخل الأهل في شؤون الشباب و الصبايا؟؟؟؟؟؟
هلئ انو يدخلو وينصحونا
او يقلولنا وجهة نظرهم ويحكولنا شوي عن تجارب نناس تانية وبعدين يتركونا لنقرر
احسن بكتير من انو يجبرونا على شي ونحنا نقبل فيه مشان رضاهم

تقبلي مروري

روزي لالا ... السباقة للرد على المواضيع ..

شكراً لمرورك و تفاعلك مع الموضوع ..

وانا اللي فهمتو منك إنك كرهاني دراستك ..

طيب شو كان بدك تدرسي و ما ظبطت معك ..

شكراً لمرورك ..
.................................................

مستر جي تي يا كبير ..

الله يجعلك قدوة حسنة لأخواتك ..

شكراً لتفاعلك ومرورك الجميل ..

...........................................

المتيمة السورية..

مبروك عليكي أهلك الواعين .. و الله يخليلك إياهن ..

شكراً لمرورك و تفاعلك مع الموضوع ..

نووو .. هلأ مابكره دراستي
بس اول سنتين كنت ادرس وانا مالي نفس بنوووب
عنا النجاح من 60 انا كنت جيب اكتر شي 75
هلا لا خلص الحمد لله حبيت دراستي كتير واقتنعت فيها ومابجيب بموادي
علامات اقل من 90
... وكنت بالأول ابدا مو حاطة ببالي كلية العلوم كلها
المفاضلة مابتذكر اني انا لحالي مسكت وكتبتها
اول 20 رغبة الكل كتبتها وخلولي اكتب اخر خمسة
ايه فطلعلي علوم .. بعدين اختصيت احياء ...

هل اخترت برغبتك الفرع العلمي أو الأدبي ؟

أي أكيد أخترت العلمي لأنو بدي علمي

هل اخترت برغبتك فرع الجامعة الذي تريد ؟

أي أكيد وأنا الي كتبت المفاضلة كلها والأختيار أجا ع الشي الي بحبو

هل ستختار برغبتك فيما إذا ستكمل دراسات عليا أو دبلوم تأهيل ؟

طبعا أكيد هاي حياتي ومستقبلي انا .. وانا بعرف مصلحتي اكتر من اي حدا

أليست كل هذه الأمور من حقك !!!

أكيد من حقي

أليست هذه أنانية منهم !!!!

مو دائما احيانا حسب الشي

لماذا لا يقدر الشباب ظروف الأهل وأسباب خوفهم و هواجسهم ..؟؟

لأنو احيانا خوفهم الزايد ما بيكون لصالحنا .. لأنو كل شي زاد عن حدو قلب ضدو.

أليس الهدف من قراراتهم مصلحتنا ..

أكيد بنظرهم ....

أليسو بالنهاية أهلنا و رضاهم من رضا ربنا ..

أكيد وعلى قولة الباقي هاد الي مصبرنا ومسكتنا

ما رأيكم في تدخل الأهل في شؤون الشباب و الصبايا؟؟؟؟؟؟

مقبول إذا كان للنصيحة وبالنهاية أنا بقرر هالشي الي بدي اعملو

مشكورة صديقتي على النقاش الرائع وتقبلي مروري

انا كل الامور اخترت بنفسي وفرعي بالجامعة بحبو كتير تدخل الاهل فينا نابع عن محبة واذا صار في اختلاف لازم نتناقش ونقنع بعضنا

روزي لالا .. يعني على مبدأ ...

( إذا لم يكن ما تريد فأرد ما يكون ..)

المهم إنك توصلي لمرحلة المتعة بالشيء اللي عم بتساويه .. وساعتها بتوصلي للابداع ..

و إن شاء الله المواد الجاي 100%

شكراً لمرورك وردك ...
..................................................

وردة ..

الحمد لله إنو عندك هيك أهل واعين ...

لا شكر على واجب ... نورتي وردة ..

زرقاء اليمامة .. المحترفة ..

أنا حالتي قريبة كتير من حالتك على مستوى الاختيار العلمي ..
نورتي ..

هل اخترت برغبتك الفرع العلمي أو الأدبي ؟

أي الأختيار كان برغبتي الشخصية

هل اخترت برغبتك فرع الجامعة الذي تريد ؟


كمان أي بس بعد مشاورت الأهل والأصدقاء واخد رأيهم

هل ستختار برغبتك فيما إذا ستكمل دراسات عليا أو دبلوم تأهيل ؟

اخترت وخلصت وقررت انو ما كمل دراسات عليا حاجتنا للبكلوريوس

لماذا لا يقدر الشباب ظروف الأهل وأسباب خوفهم و هواجسهم ..؟؟

أكيد منقدر وليه لأ

أليس الهدف من قراراتهم مصلحتنا ..

طبعا اكيد وبالنهاية أنا بقرر إذا قراراتهم لمصلحتي وبتمشي معي او لا والي الحرية بعملها او عدم عملها .

أليسو بالنهاية أهلنا و رضاهم من رضا ربنا ..


طبعا اكيد ومنرضيهم ومنرضي حالنا ليه لأ حلو التعادل

وشكرا كتير الك ولطرحك المميز

أمير الرومانسية ...

( محامي الدفاع ..) اليوم بدي استلمك اسمحلي فيها من باب الفكاهة ..



أنا بقول من الحكمة إنك توصل للتعادل مع أهلك ولكن بطريقة تحسسهم فيها بالانتصار..
و إنك حققت رغبتهم .. مشان تكسب الرضى الكامل بإذن الله ..

الله يقدرنا جميعاً على رضى أهلنا من بعد ربنا .... آمين..

شكراً لمرورك وتفاعلك مع الموضوع ..

خدي راحتك صديقتي ولو على حسابك كلني ههههههههههه

هلأ على فكرة هالة بحب قلك انا هيك بعمل ... يعني بيجو اهلي بيقولو الله يرضى عليه شادي ما في منو ليكو كيف بيسمع الكلمة ... وانا بكون عملت الي بدي ياه انا مو هني بس بطريقة حسستهم فيها بالنتصار ههههههه وبالنهاية اخدت الرضى وعملت الي بدي ياه ...

محامي دفاع وشاطر كمان هههههههههه

تقبلي مروري مرة اخرى صديقتي

أمير الرومانسية ..المحامي.. الشاطر ..المهندس .. شادي ........

نورت مرة تاني و شكراً لتقبلك مزحتي ...