راتب الزوجة

مع وجود كثير من النساء العاملات في كثير من المجالات

فا لسوآل كيف تتصرف المرأة با لراتب

فبعض الازواج يعتبرون انه من الطبيعي ان تساهم المرأة في نفقات البيت

وبعض الازواج يرفضون مشاركة الرأة في الانفاق على البيت ويتركون

حرية التصرف في راتبها

ما رئيكم

اما رئي انا هو

عندما يكون الزوج والزوجة متفاهمين لا يوجد مشكلة وخاصتا في هذه الايام الصعبة حتى ان كثير من

الزيجات ما كانت لتتم لولا راتب الزوجة واستطاعتها لمساعدة الزوج في المصروف

مممممممممممممممممممم

مشكوووورة سما حمص على الطرح الجميل ..

و برأيي ...
في حال البيت ما كان عايز راتب الزوجة فالأفضل تركها و راحتها مع راتبها .. و لكن هذا صعب جداً ..
- إذا كان مدخول الزوج كان كافي لحاجات البيت و بيبقى منو رصيد للحالات الطارئة و قادر أنو يأمن مدخول أبدي للعائلة .. ساعتها أعتقد الزوجة ما رح تشتغل ... إذا حبت تشتغل منشان ما تمل أو منشان تحقق الإفادة فإن معظم الزوجات بيشتغلوا بالنشاطات التطوعية و الأعمال الخيرية .. هذا اللي شفتو في المجتمعات الغربية ..
- إذا كان راتب الزوج كاف للمنزل لكن مانو قادر يرفع الوضع المعيشي أو يشكل رصيد فإن الزوجة بتشتغل حتى يكون راتبها هو السند و الرادف للرصيد الخاص بالطوارئ .. و كمان هو رح يكون مدخول إضافي يحقق النماء للمستوي المعيشي للعائلة .. كمان هذا شفتو بالمجتمعات الغربية .
- إذا كان راتب الزوج غير كافي فأكيد رح يكون راتب الزوجة هو المكمل أو السند على الأقل ..
و هذا بيرجع بالنهاية للزوجة .. فهي و تفكيرها .. و المفروض أنو تساعد زوجها لأن بالنهاية هم عائلة واحدة بمصير واحد ..

ما فينا نقول أنو المجتمعات الغربية سيئة .. ! نحنا ما مضطرين ناخذ كلشي منهم .. منشوف شو عم يشتغلوا و اللي بيناسبنا و بيحقق تطورنا هو اللي بهمنا .. أما أنو نرفض كلشي بيعملوه أو نعمل كلشي بيعملوه فهذا مصيبة بحق ..

و بالنسبة للمجتمع السوري .. فأنا ملاحظ أنو معظم الأزواج مدخولهم كاف للعائلة .. و راتب الزوجة ممكن يكون عبارة عن مدخول إضافي .. ممكن تستخدمو كالتالي : جزء للأعمال الخيرية .. جزء للحاجيات الغير ضرورية و الكماليات .. جزء يخبأ لليوم الأسود . و جزء للزوجة تتصرف فيه على راحتها .. و توزيع الأجزاء مسؤولية المرأة و المهم أنو تكون راضية عن حالها !
كمان ممكن تغطي بعض المصاريف في البيت .. حتى تترك فرصة للزوج أنو يغطي على أمور ثانية قد تكون ضرورية !

أرجو أن أكون وضحت فكرتي
تحياتي
علاء

الواح بيسمح لزوجتو تساعد بمصروف البيت
بس ازا بدا تهتو كل ما صلرت بيناتن مشكلي فهادي المشكلي
كمان وظيفة الزوجة هيي عحساب راحة الزوج
بمجتمعنا و بالظروف الصعبة يلي عمنمر فيا هلئ
الزوج بيشتغل شغلتين والزوجة موظفة و المصروف اكبر من الدخل
لك شو كان بدك بها الموضوع يا سما حمص فتئتي جروحاتنا
مشكووووووووووووووووووورة سما حمص تقبلي مروري

الشكر لمستر جي تي و اللورد على مروركم الكريم و افكاركم الجميلة

كلامكم رائع ومنطقي جدا ،، وانا معكم بهاد الرأي

بتمنى كمان باقي الاعضاي يعطونا رأيهم

وبعتذر لتفتيق جروحك لورد ......

ولا يهمك خدي راحتك
لسا في جروح كتير مسكرة
على ئولة ابو وديع طبيب جراح جروح الناس اداويها

أمممممم برافو سما حمص لطرحك المميز

هلأ حلو الزوجة اتساعد زوجها اكيد بمصروف البيت في حال كان راتبو ما بيساعد ... بس هون في مشكلة إنو لازم يكونو متفاهمين وكتير كمان

لانو والله بكرا ع اي تصرف منو ازعجها رح اتقولو اي انا بصرف من راتبي اي والله لولا راتبي ما بعرف شو .....الخ

هلأ اوكي هاي حقيقة ومقدرها الزوج اي بس مو ضروري يصير فيها ازلال كل شوي

انا بنصح كل رجال قادر يفتح بيت انو ما ياخد ابدا شي من راتب زوجتو .... مو لكرامتو بس حفاظا انو ام يسمع حكي بالمستقبل

هاد رأي شخصي بتمنى تقبله ....

مشكورة سما حمص لطرح المميز ةتقبلي مروري

شوف حبيبي اميرو الزوجة اذا بدا تعير زوجا بتعيرو الصرفت ولا ما صرفت ما مشان تزلو او تهينو وانما مشان تقهرو متل ما قهرا

وتزعلو متل ما زعلا

فالحياة الزوجية مشاركة حتى لو كان الزوج ميسور الحال ما بيمنع انو الزوجة تساعد زوجها بالمصروف لانو تنيناتن واحد وبيتن

واحد واولادهم كذالك وبين الزوجة والزوج ما في كرامة وغيرو لانو كرامة الزوج من كرامة الزوجة

واذا من اجل الحكي هي بدا تحكي وتعمل مشاكل إذا صرفت ولا ما صرفت فاحسن انو تصرف بس بلتفاهم ما غصب عنا

وشكرا لمرورك عزيزي اميررررررررررو

الله يساعدك على جروحك عزيزي لورد ويكون معك وجعتلي قلبي

وانا رأي من رأيك سما حمص وخاصة اذا في تفاهم بين الزوجين

وانا بحب اعطيه راتبي كلو يخليه معاه ويضمو لراتبو ووقت الي بحتاج مبلغ او شي اكيد هو ما رح يقصر علي


مشكورة عزيزتي لطرحك المميز

وشكرا

شكرا لمرورك عزيزتي وردة الجورية واهلا وسهلا بك مرة ثانية

رديتي روحي برجوعك

فعلا كلامك مزبوط انو يوضع راتب الزوجة والزوج بمكان ويصرف

منه حاجات البيت هيك بتفرض روح التعاون بين الزوجين