شكرا عزيزتي الوردة لمرورك اللطيف ... ومشاركتك
راح جاوب انا بركي بيتحمسو الباقيين ...
*ما هو اجمل موقف او اجمل ذكرى تتذكرها من طفولتك ؟
امم لما اتكرمت اول مررة بصف الاول وكنت من المتفوقين وكانت ماما موجودة
قد ماشفتها فرحانة مابقدر انسى هديك اللحظة ..*ما هو أصعب أو أحزن موقف مر عليك في طفولتك ؟
عكس الموقف الاول هههههههه لما رحت استلم شهادتي وكانت ماما معي ولقتني جايبة
98% بصف الرابع وبهدلتني ومسحت فيني بلاط المدرسة قدام التيتشر 
ولهلأ بتذكر قالتلا التيتشر روحتي للبنت فرحة نجاحها لكل جواد كبوة
بلحظتها مافهمت المتل بس فهمت انو مواساة
ولهلا بتذكر اسم التيتشتر ... عائشة 
*ما هي أجمل هدية تلقيتها في طفولتك ولم تنساها لليوم ومن أهداها لك ؟
كانت هدية اخدتها وانا بصف ثالث ابتدائي من مسابقة لتحفيظ القران على مستوى الرياض
واترشحت من بين كل بنات صف ثالث وكانت سورة
الملك وربحت بمركز 11 على مستوى الرياض .. مع انو زعلت وقتها انو مركزي 11
بس لهلا عندي الشهادة اللي اخدتها ولهلأ مابنسى اديه الهدية كانت كبيرة وحلوي
واديه رجعت جانة من فرحتي عالبيت *هل هناك انسان معين كرهته في طفولتك .. ولماذا ؟
هههههههههه ايه مرت عمي ... لانو كان شعري كتيييير طويل وانا وصغيرة وع اساس تقصلي
منو شوي تزبطلي اياه قامت قصتلي اياه كاريه لتحت ادني بشوي
يالطيف شو انجلطت يومها وشو كرهتها ههههههههههه
وعنجد قد مازعلت عليه لهلا مخباي ضفيرة شعري ههههههههههههههه *هل كنت غيور بطفولتك من اخوانك؟
لا ..بالعكس انا اخواتي الاكبر مني كانو ينجلطو مني لاني كنت فسادة ووكالة انباء
شو ماعملو انقل لبابا *ماهي اكثر وافضل لعبة كنت تلعبها و أنت صغير ؟
ولهلأ بحبها هههههههه .. لعبة نط الحبل
وحدة كانت تسمك طرف الحبلة من اليمين والتانية من اليسار وانا نط بالنص **هل ستربي اولادك بنفس الطريقة التي تربيت بها في طفولتك؟
اممم بعض الاشياء اي وبعضها لا ... ** نشيد حفظته وانت طفل ومازلت لحد الان تذكره ؟
يالله في نشيد كتيير سخيف حفظناه بالانجليزي وقد ماكنت اكرهو لهلا مابنساه هههههههههه
ican,t find belly ..my favorite cat she is not in her
basket she is not on the mat
i.m hot and tired
>>> وخرابيط كتير بعدو هههههههه المهم انو القصة ومافيها بهالنشيد السخيف
انو مضيعين القطة تبعتنا وعم ندور عليها ومو ملاقينها لا بالسلة ولا فوق السجادة
باخر النشيد بتلتقى بالسرير
كل ماتدخل هالتيتشر تقلنا قولو سونج الكات كنت قولو وانا راح انسفها الف كف بجد 
** شيء كان يطلب منك فعله وكنت تفعله وأنت تراه أصغرمن سنك بكثير ؟
وقت ماما تعملي شعري هيك عالمدرسة 
** اكتر برامج اطفال كنت تتابعها ؟
كنت تابع كتير برامج ..
ليدي - هايدي - الكابتن ماجد- عهد الاصدقاء - الصياد الصغير رامي - هايدي - داني
انا واخي - النمر المقنع
والله ماكنت قوم عن برامج الاطفال مو متل هالجيل يالطيف مابقومو من المسلسلات وقنوات الاغاني**من كان صديق الطفولة ؟ احد من البيت ؟ من الاهل ؟ اولاد من الحارة ؟
عندي كتير من ااصحاب اهلي اللي مابيقربونا ولهلا هني اصدقائي **شئ كنت متعلق به مثلا في ناس تتعلق في لحافها , وناس في لعبتها , وناس في دبدوبها ؟
ماكنت متعلقة بشي بنووب .... ** في أيام رمضان هل كنت تصوم اليوم كله أو تأكل خفية ؟
امم بتذكر كنت صومو كلو بس كره اهلي حياتون بالنق كل النهار عم عيد نفس
هالكلمتين عطشانة وجوعانة
**ماذا فعلت في أول يوم دخلت فيه المدرسة بعدما غادرت أمك ؟
والله كوووول وعااادي امي كانت قلقانة اكتر مني وانا ولا فرقت معي
راحت من هون بلشت نطوط من هون ** هل كنت تحب المدرسة أو تذهب رغما عنك ؟
وقت كنت صغيرة كنت حبها بس ايام ثاني ثانوي والبكلوريا يالطييييييييف شو صرت اكرهها
ولا بتمنى للحظة اني ارجع اتذكر ايام المدرسة **هل كنت مشاغب وشقي وأنت صغير سواء بالمدرسة أو في البيت ؟
بره الكلاس كنت شقية وكتير بس وقت الدرس مثال يحتذى به واطلع اخر كل سنة مثالية
هههههههههههههه**أقسى عقوبة تلقيتها في المدرسة ولماذا ؟
انحرمنا من حفل التخرج بالبكلوريا من المديرة بسبب جنان ومشاغبة بنات القسم الأدبي
فمتل مابقولو وقتها الخير بخص والشر بعم
ووقتها الشر عم بنات قسمنا العلمي وانحرمنا من الحفل ...
بس يعني اجت ماما يومها وكرموني انو من المتفوقات بس انو ماصار حفل ولبس تخرج ... **هل سبق وشاركت في مسرح المدرسة ؟ اذا كانت الاجابة نعم ماهو أجمل عمل قمت
به ونال إعجابا مبهرا للجميع ؟
ايه كنت على طول مستلمة مايك الاذاعة الصباحية 
واكتر شغلتين عملتون واعجبو فيون .. لما قدمت افتتاح حفل المدرسة بالقران بصف يمكن خامس او سادس
والمرة التانية لما عملت مسرحية عن الارهاب ** اوصف طفولتك بجملة واحدة 00
كانت طفولة مرفهة ومدللة وبنفس الوقت صارمة ...
ممنوع عنا بالبيت الجلقنة **هل تتمنى أن تعود طفلا ؟
اذا ارجع طفلة وتم طفلة اوك 
بس طفلة وارجع ادرس من جديد من الابتدائي للجامعة ولي 
طبعا لا ههههههههههههه ........... يالله احكولنا عن طفولتكم ....
وشكرا الك من جديد وردة ... نورتي عزيزتي
الإثنين سبتمبر 14, 2009 7:28 am من طرف متيمة سوريا
موضوع: -=- الطفولة ذكرى للجميع -=- 
