الأسرار ...

مساء الخير

مساء سوري ..رمضاني الاجواء ...

من حديقة منزلنا ..

بقرب ياسمينة زينها بياض بعض الزهرات ...

تحت سماء صيفية هادئة ....

على كرسي خشبي قديم ....

مع كوب ساخن من القهوة ....

أسير بقلم أزرق على صفحة بيضاء من دفتري الصغير …

موضوع: الأسرار ... السبت أغسطس 22, 2009 6:09 pm

السلام عليكم ورحمة الله وبكاته
رمضان كريم للجميع ... وينعاد عليكم بالخير ان شاء الله ...

أخواني و أخواتي الأعزاء ........

هناك شيء في الحياة اسمه السر ....

طبعاً لكل منا أسراره التي لا يريد أن يطلع عليها أحد ... ولكن ....؟

ما مدى قدرة الانسان على تحمل كتم أسراره .... ( الخاصة طبعاً )؟؟؟؟؟؟!!!!.

وهل الصحيح أن يبقى هذا السر طي الكتمان ..... ؟؟؟؟

أم الأحرى أن يكون هناك شخص ما يكون ثقة و مؤتمن ... ( أخ , أخت , صديقة .. صديق ... صديقة نت .. صديق نت ..) .؟

أم أن الأسرار يجب أن لا يباح بها لكائن من كان ... ؟

أم الأفضل أن يكون هناك شخص ( فضفضلو همي ) يبادلني الرأي والنصح ....؟

وما هي صفات هذا الشخص الذي سأبوح له بكل شيء .... ؟

(الخل الوفي ) هل هو حقيقة أم كما قيل ( هو ثالث المستحيلات ( المستحيلات ثلاثة .. الغول - العنقاء - الخل الوفي ) ..

لو سمحتوا يا بوانيت و ياشباب ... عطوني رأيكم ... مشان نفتتح محكمة جديدة ( قصدي نقاش جديد ) ..

واذا ما عجبكم النقاش ... فأنا بعتذر عن الموضوع بكل روح رياضية ..

وشكراً

موضوع: رد: الأسرار ... الأحد أغسطس 23, 2009 2:16 am

ولو ياهالة ... أي نقاش بتطرحيه هوي مهم بالنسبة النا ومدام منك فأكيد حلو ...

ما مدى قدرة الانسان على تحمل كتم أسراره .... ( الخاصة طبعاً )؟؟؟؟؟؟!!!!.

بتصور مافي انسان بيقدر يكتم كل اسراره مية بالمية ويحتفظ فيها لنفسه وبس

وهل الصحيح أن يبقى هذا السر طي الكتمان ..... ؟؟؟؟

في اسرار بحياة الانسان اي لازم اضل طي الكتمان ...
وبهالأيام مافي حدا بيتأمن على سر ...

أم الأحرى أن يكون هناك شخص ما يكون ثقة و مؤتمن ... ( أخ , أخت , صديقة .. صديق ... صديقة نت .. صديق نت ..) .؟

انا عن نفسي ايه بفضل طبعا يكون عندي حدا اوثق فيه واحكيلو اسراري
وعندي صديقتي بتعرف 90% وبوثق فيها وجدا .. الحمد لله ...

أم الأفضل أن يكون هناك شخص ( فضفضلو همي ) يبادلني الرأي والنصح ....؟

اكيد ايه ... انا فعلا بفضل احكي لاخد نصيحة ولا اني اكتم اسراري واتصرف غلط

وما هي صفات هذا الشخص الذي سأبوح له بكل شيء .... ؟

بعد تجاربي بالدنيا ... قبل ماتبوحي لاي حدا بالدنيا على اي سر بخصك لازم
تستني كذا موقف يثبتولك معدن الشخص اللي قدامك ...
واحسبي خط الرجعة لأسوء الحالات ...
يعني لاتعطي سرك قبل ماتاخدي سر من اللي قدامك ...
مو مشان تهددي فيه .. بس صمام أمان
يعني اذا مثلا فكر هالشخص يفشي سرك .. راح يمنعو تفكيره ,,
انو اذا حكيت هي راح تحكي ...

(الخل الوفي ) هل هو حقيقة أم كما قيل ( هو ثالث المستحيلات ( المستحيلات ثلاثة .. الغول - العنقاء - الخل الوفي ) ..

هوي مستحيل ... بس بتصور لكل قاعدة شواذ ...

موضوع كتير حلو ...

يعطيكي العافية هلوش وردة خجل

موضوع: رد: الأسرار ... الأحد أغسطس 23, 2009 5:13 pm

هاي حلوي كتير ... ( هلوش ) .. وردة خجل

أول شيء شكراً لمرورك و تفاعلك الدائم مع جميع المواضيع في المنتدى (ماشاء الله تبارك الله ).

وتستحقين لقب نائب المدير وعبقال المراتب الأعلى في الدنيا و الآخرة ... آمين .

تاني شيء أنت قلت :

" انا عن نفسي ايه بفضل طبعا يكون عندي حدا اوثق فيه واحكيلو اسراري
وعندي صديقتي بتعرف 90% وبوثق فيها وجدا .. الحمد لله ...".

كلام رائع وجميل انك تلاقي صديقة تقدري تحكيلها ال90% ..

طيب والعشرة بالميي لمين بتحكيهن ولا ما في حدى وصل للميي بالميي ....؟؟؟

أنا باعتقادي بأن مشكلتنا نحن البنات تكمن بالعشرة بالميي الأهم ...
( ال10% المحيرة .. وأحياناً... المدمرة ..).

و أنا بقول قمة السعادة أن تجدي شخص ما يمكن أن يسمع و ينصح و يكتم ال 10 % هذه .
لأنو بتشعري براحة نفسية لا توصف ... وخاصة اذا كان هذا الشخص من لحمك و دمك ..
( أخت مثلاً.. كما هي حالتي)...

تالت شيء أنت قلت :

" انا فعلا بفضل احكي لاخد نصيحة ولا اني اكتم اسراري واتصرف غلط "..

كلام رائع وموزون.... يقول الامام علي رضي الله عنه :

" من شاور الناس شاركهم عقولهم " .

السؤال هل الشخص اللي بدك تحكيلو , في عندو حكمة للنصيحة ..و بتهمو مصلحتك وبخاف عليكي و ينصحك بأمانة ودون مجاملة . موجود فعلاً ..؟

أنا بنصح و بقول :

اذا مو موجود ابحثي عنه وضروري يكون بيخاف على مصلحتك و الأهم الأهم ما يكون الو مصلحة عند , أو بغار منك ... يعني اذا بيكون من لحمك ودمك بيكون أفضل شيء ...

صدقيني ما خرجت من أزمتي الا بفضل الله أولا و بفضل أختي ثانياً من بعد الله ..

" الله يوجهلها الخير شو بتعرف تسمع .... "

رابع شيء:

أكيد لكل قاعدة شواذ ... الله يجمعنا بهيك خل وفي .... آمين

اهلين بهلوش ... باي

تسلمي ياحلوي على الاطراء خجلتيني خجول 2

طيب والعشرة بالميي لمين بتحكيهن ولا ما في حدى وصل للميي بالميي ....؟؟؟

لا العشرة بالمية مابحكيون لحدا ... ومو عدم ثقة برفيقتي ...
بس في شغلات اسمها اسرار النفس ... وهاي من خصوصياتي العميقة جدا
وحتى لأختي مابحكيها ....

أنا باعتقادي بأن مشكلتنا نحن البنات تكمن بالعشرة بالميي الأهم ...
( ال10% المحيرة .. وأحياناً... المدمرة ..).

ايه مزبوط هال 90% قد تكون محيرة ومدمرة ... بس من ال 90 % اللي راح تحكيون
بتقدري بشكل غير مباشر تاخدي مساعدة من اللي قدامك بلا ماتحكي ال 10%

السؤال هل الشخص اللي بدك تحكيلو , في عندو حكمة للنصيحة ..و بتهمو مصلحتك وبخاف عليكي و ينصحك بأمانة ودون مجاملة . موجود فعلاً ..؟

علاقتي انا ورفيقتي ببعض قائمة على شي واحد
بشي غلط ممنوع نساعد بعض ...
يعني اذا هي خانها عقلها وانا شايفة انو اللي بدو تعملو هي غلط
بعمل كل وسائل القسوة معها لحتى ترجع لصوابها وتسمع كلامي
والعكس صحيح ...

يعني اذا بيكون من لحمك ودمك بيكون أفضل شيء ...

اممم اي بس احيانا الرفيقة بتفهمك اكتر ببعض الشغلات ...

رفعت الجلسة كالعادة يضحك2

تقبلي مروري ...

الله يوفقك ويسدد خطواتك ويحميكي حتى من نقسك ... قولي آمين ....

ويبعتلك مين ينور دربك ويوجهك للخير ....كمان قولي آمين ...

هلق مشان الرفيقة بتفهم عليكي أكتر من الأخت فهذا أمر فيه قولان ...

الأول ... الأكيد في الأمور الكبرى الكبرى .. ( حب ... زواج .. الخ ) .. رأي الأخت بيكون أفرب

لمصلحتك وأوفر عليكي بالجهد و الزمن .. و الزمن ... و الزمن .. لأنو الزمن الضايع مو من

مصلحتنا ... ...

الثاني .. الأكيد بأمور المغامرات ؟؟؟؟؟!!!!!!!!!!! و الشيطنات ؟؟؟؟!!!!!

الرفيقة بتفهم أكتر لتقارب السن ...

هذا رأيي .... رفعت الجلسة ...

ما مدى قدرة الانسان على تحمل كتم أسراره .... ( الخاصة طبعاً )؟؟؟؟؟؟!!!!.
أنا عن نفسي ما بقدر بنووووب أكتم سري .. ولازم قولو لحدا .

وهل الصحيح أن يبقى هذا السر طي الكتمان ..... ؟؟؟؟
في حالات وحالات حسب .. يعني بنطر أحيانا نكتم سر معنا حتى الممات وأحيانا لا عادي.

أم الأحرى أن يكون هناك شخص ما يكون ثقة و مؤتمن ... ( أخ , أخت , صديقة .. صديق ... صديقة نت .. صديق نت ..) .؟
أكيد في حبيبي وخطيبي بعطيه الثقة العمياء وبؤتمنو على كل أسراري مهما كانت وبيعرف عني كل شي وبنسبة 100% .

أم أن الأسرار يجب أن لا يباح بها لكائن من كان ... ؟
وليه لحتا ما يباح .. صديقتي الدنيا لسا بخير.

أم الأفضل أن يكون هناك شخص ( فضفضلو همي ) يبادلني الرأي والنصح ....؟
أكيد بس طبعاً مو أي شخص وعلى قولة صديقتي روزي لالا مو من أولها لازم بعد مليون خطوة وأختبار .

وما هي صفات هذا الشخص الذي سأبوح له بكل شيء .... ؟
بيكفي أني كون بثق فيه وبحبو ...

(الخل الوفي ) هل هو حقيقة أم كما قيل ( هو ثالث المستحيلات ( المستحيلات ثلاثة .. الغول - العنقاء - الخل الوفي ) ..
حقيقة وموجود بس كمان أنا من رأي صديقتي روزي لالا لكل قاعدة شواذ..

وشكرا الك كتير كتير صديقتي هالة ولطرحك الرائع ... وما احلى وما يعجبنا .. اي احلى نقاش والله .. وبإنتظار جديدك يا غالية

موضوع: رد: الأسرار ... الخميس أغسطس 27, 2009 8:41 pm

شكراً لمرورك وردة ...

و لتشجيعك الحلو...

الله يوفق الجميع ويحكو اللي عندهن بنسبة 100% متلك ...

لأنو أكيد شعور مريح ..

موضوع: رد: الأسرار ... الخميس أغسطس 27, 2009 9:28 pm

ما مدى قدرة الانسان على تحمل كتم أسراره .... ( الخاصة طبعاً )؟؟؟؟؟؟!!!!.
بالنسبة لألي .. أنا كتوم زيادة .. و حتى أمي و أبي ما بيعرفو كتير شغلات عني .

وهل الصحيح أن يبقى هذا السر طي الكتمان ..... ؟؟؟؟
معظم أسراري طي الكتمان و ستموت معي ..

أم الأحرى أن يكون هناك شخص ما يكون ثقة و مؤتمن ... ( أخ , أخت , صديقة .. صديق ... صديقة نت .. صديق نت ..) .؟
ما بوثق بنفسي لحتى أوثق بغيري .. و لكن حسب السر .. ممكن إني أبوح بسر ما لشخص عزيز جداً و لكن لسا ما عملتها .

أم أن الأسرار يجب أن لا يباح بها لكائن من كان ... ؟
بما أنو سر معناها ما لازم يعرفو أكثر من شخصين !

أم الأفضل أن يكون هناك شخص ( فضفضلو همي ) يبادلني الرأي والنصح ....؟
الشخص اللي بفضفضلو همومي هو الزمن .. هو الوحيد القادر على تعليمي كيف اتخطاها .

وما هي صفات هذا الشخص الذي سأبوح له بكل شيء .... ؟
أخرس و أعمى و أطرش ههههههههههه

(الخل الوفي ) هل هو حقيقة أم كما قيل ( هو ثالث المستحيلات ( المستحيلات ثلاثة .. الغول - العنقاء - الخل الوفي ) ..
الخل الوفي موجود .. أو عالأقل هذا ما أومن به .. لكن لسا ما شفتو .. و عم حاول أعمل حالي متلو .. و لو بنسبة 10%

بإنتظار جديدك
تحياتي
مستر جي تي

موضوع: رد: الأسرار ... السبت أغسطس 29, 2009 5:03 pm

ياعمي الشباب غير .... معصب

شكراً لمرورك و تفاعلك أخي ... جي تي ..

أحي فيك روح الصلابة و القوة ...

شكراً لمرورك ...