إذا تغير أعز الناس إلى قلبك .. فماذا تفعل

مساء الخير

مساء سوري ..رمضاني الاجواء ...

من حديقة منزلنا ..

بقرب ياسمينة زينها بياض بعض الزهرات ...

تحت سماء صيفية هادئة ....

على كرسي خشبي قديم ....

مع كوب ساخن من القهوة ....

أسير بقلم أزرق على صفحة بيضاء من دفتري الصغير …

انســــان عـــزيز علـــيك
تــقضي مــعظم أوقـــاتك مــعه..

كـــان الانــــسان الـــذي تشـــكو لـــه هـــمومك..
تـــسعدك ابتـــسامته الــرقيقه..
وكــان يـــهتــم بــك..
ولا يـــقدر عــلى فراقـــك..
وحـــالك لايــصبح أفضـــل إلا بـلقــياه..و ســماع صــوته كـــل يــوم..

بــين يوم وليـــله انقــلب حــاله..
وتــغيرت تصـــرفاته...
كــأنــه لـــم تــكن بيــنكم عــلاقة جمعتكم

مـــاذا ســـتكون ردة فعــلك اتــجاه..؟
هـــل تحــاول معــرفة السبــب..؟
أو تنســاه ولاتــهتم بــه..؟؟
أم "تــحن عـــليه"؟
ومـــاذا ســتفعـــل..؟؟

عادى .......بتغير عليه .......مثل ما تغير على ......اذا بدون سبب.......
اما اذا كان يوجد سبب مقنع بحاول اعرفه ..... واذا كنت غلطان بحاول اصلح غلطى ...
وشكرااا......

مشكورة على مرورك الجميل

هلأ اذا عزيز علي كتير اكيد ما بطنش بسأل وبستفسر وبحاول انو يحكي بصراحة

تقبل مروري

نورتي اهلا وسهلا

شو ما عاد حدا فات على هالموضوع؟؟؟؟

امممممممم معك حق مشكورة صديقتي على مرورك العطر

حلو موضوعك امييييييير متلللك.........

انا براي ازا كان الشخص بحبو وتركني فجاه بحب اسئلو ليش هيك عمل وازا ماعطاني سبب مقنع

يصطفل هو الخسران اكيييييييييييد وعندي قناعه ( يلي باعك بيعووو)

وانا يلي علي عملتو والبائي عليه بس موبعدين يجي ويئلي بدو يرجع الصحبه انا هون بئلو اسفه

غلطت بالعنوان شوف غيري.....هاد راي

ويسلمو ع موضوعك الحلو

سي يو

تسلمي شامية لاطرائك الاكثر من رائع

ومشكورة لردك المنطقي

يعطيكي العافية ونورتي

بس يا جماعة هل ممكن يكون في سبب وما كان بالاستطاعة انو ينحكى وهيك بيكون في ظلم اذا ما ارجعنا حاولنا

صح كلامك امير بس انت حاولت معو ماجاب نتيجه يعني مائلك شبو

يعني خلص يصطفل كم مره بدك تعد اتحاول معو وهو مايتجاوب يعني في شي اسمو (كرامه) وهي فوء كلشي

هاد راي وبتمنى ماحدا يزعل...

سي يو....

هلأ شامية كلامك صح بس في نقطة ...
على كلامك هاد معناها ما تقولي شخص بحبو ... قولي شخص عادي

يعني معقول شخص بتحبيه تحاولي مرة واذا ماجاب نتيجة يصطفل .. هيك بكل سهولة وين الحب والتضحية
طيب وبعدين بتنسيه عادي ... اذا عادي معناها متل ما قلتلك ما حب ..... بعدين انتي دخلتي اكتر من قصة ببعضها شو دخل الكرامة .. سوري على الكلمة انتي عم تبوسي ايدو ولا عم تركعيلووو ولا عم تترجيه يرجعلك ... انتي مجرد عم تستفسري وهاي ما الها اي علاقة بالكرامة .. ويا ستي حتى لو كنتي فرضا عم تترجيه .. ما فينا نقول انو هاي تضحية للحب ... يعني ملاحظ انو قلبك كتير رح يكون قاسي بهاطريقة .. ما بعرف ..وعم لاحظ من اسلوبك انو عندك حنية وطيبة قلب وأحيانا بحس انها موجودة مع شوية استغناء عن الحبيب ؟؟!!... هل هالشي صح او ممكن انا فهمت وجهة نظرك غلط ممكن توضيح شامية عهالنقطة .. ويا ريت كمان باقي الاعضاء يعطونا رأيهم .

هو كلامك صحيح امير سوريا انا ئلبي ئاسي كتييييييير وانااهيك مرتاحه والحمد لله

سبحان الله كل واحد والو اسلوبو وطريئتو بحياتو وانا هي طريئتي...

ثانكس فور يو

امممم هلأ كل وجهات النظر حلوي واكتر شي وجهة نظر شامية وأمير الرومنسية اتنيناتكم بتعقدو بجد كلامكم روعة وحلو

وانا مع امير الرومنسية بفكرة انو اذا شخص عادي اي اكيد بالناقص منو ع الاخر وحتى يمكن ما فكر حاكيه ابدا الله ما دواليبو ... بس اذا حبيب انا رأي من رأي امير الرومنسية ما بيمنع ضل حاول وما ازهق لاني اكيد بحبو ومابدي اخسرو وكرامتي بضلها محفوظة بحكم انها تضحية

وبجد لا تزعلو من حكي بعدين بزعل من حالي هههههههه

وبشكرك مرة تانية شامية لثقتك بنفسك وكلامك الرائع

وانتي يا اميروووو كمان بشكرك لمنطقك بالكلام الرائع بس كأنو طريقة كلامك بتوضح انك زعلان أو مدايق باااك شي ؟؟؟

مشكورة وردتنا لمرورك العطر وكلامك الجميل ..

والله اي شوي مدايق كان في خبر محزن اسمعتو اليوم خلاني بحالفة نفسية صعبة شوي ع كل حال مشكورة ع سؤالك واطمئنانك.

نورتي

امير الرومنسيه انا مادايئت من حكيك بنوب...

بس بحب ئلك ليش ئلبي ئاسي لاني سبئ ومريت بهيك موئف وكان بالنسبه الي كتير صعبه

اني اسئلو شبك اكتر من مره يعني سئلتلو تلت مرات وكل مره كان يهرب ..........

عشان هيك انا دخلت موضوع الكرامه بانص يعني عن سابئ تجربه...

سي يو...

والله الحق معكون بكل شي قلتوه

بس في فرق بين الصديق والحبيب

وئوة العلاقه بيناتكون

هل هي بتستحق التضحيه او لاء

واذا كان الشخص زعل منك مالح يزعل هيك من الباب للطاقه هههههه

لازم يكون في شي

تقبل مروري امير

اذا كان شخص زيز علي اكيد بضل وراه حتى اعرف السبب اما اذا كان اي شخص عادي بحاول اني اعرف السبب واذا كنت عاملة شي غلط بصحح غلطي اما اذا كان مشان شي تافه او لانو لقى حدا غيري اكيد رح اتغيرمعو متل ما اتغير معي واكتر كمان واذا كان اي شخص عادي واتغير معي كمان بكون عندي فضول اني اعرف ليش اتغير بس اذا ما عرفت ما بتفرق معي لانو الدني هيك ناس بتروح او ناس بتجي .........

امممم وضحت الصورة صديقتي الشامية ولا يهمك ورأيك تمام
-----------------------------------
-------------------------------------

والله يا صاحبيبي يا حبيب الكل بضل وجهات النظر مختلفة وبتتغير من انسان لانسان لهيك الواحد بدو ي يسمع ويعرف

-----------------------------------------
----------------------------------------

كلامك روعة عاشقة سامو بجد ومنطقي .... بشكرك صديقتي لثقتك بنفسك وكلام بمكانو تمام

ومشكورين جميعا لمروركم العطر

.... اذا شخص عادي بالنسبة الي اتغير .... بسلامتو ولا بسئلو ليه ولابحاول اصلا استفسر
مثلا بالجامعة معي .. بنت كانت معي بشي مادة وكانت وقت تشوفني تسلم ع طول
خلصنا هالمادة وصرنا نشوف بعض صدف وماتسلم
براحتها ... معناها سبب عدم سلامها .. عدم وجود مصلحة بدها اياها مني ...

اذا صديقة كانت جدا مقربة واتغيرت ... اي بحاول اني افهم السبب وبحكي بشكل مباشر
بقول بالوجه انتي متغيرة انا عملت شي الك بزعل ؟ بستفسر يعني
ووقت يتهرب من الاجابة ...... ويستمر نفس التغيير معناها كمان كانت لمصلحة
وهيك ناس مابينزعل عليها ... وكمان بسلامتووو

اذا حبيب وتغير ... راح حاول كتيييير اعرف السبب بس كمان اذا نفس الشي
مالاقيت جواب بعد نفاذ جميع الوسائل .... بسلامتووو

لأن اذا هالشخص اللي اعز الناس ع قلبي تغير بلا سبب واضح معناها انا مو اعز الناس ع قلبو
ليش لأأقبل تكون الغلاوة والتضحية من طرفي بس
اذا انا عزيزة عند هالشخص ماراح يتغير علي فجأة وبسهولة ,,, والعتب ع قد المحبة
واذا بهمو مايخسرني راح يجي ويعاتبني او يحكي من شو زعل . مايسكت ويبعد...

لهيك ياجماعة اللي بيتغير منرجع لنفس الكلمة بسلامتووو ... وخليكون كووول :D

شكورا الك لالا ولمرورك العطر

وكلامك كمان في وجهة نظر .... بس في ملاحظة ع كلمة لو انا عزيزة عليه وغالية ما رح يتغير بسهولة

بحب قلك احيانا الانسان من تصرف بيصير ممكن يتحسس كتير او ينجرح ووقتها .. ممكن انو يتغير بسهولة لقوة الموقف الي خلاه يتحسس او قوة الجرح الي بدر منك وخلاه هيك.... فما بيمنع هالشي انك كمان رح تتعزبي كتير لتقدري اترجعي المياه لمجاريها وهاي بتصير بالمحاولة

وكمان صديقتي التضحية ما الها حدود ومنوقف عندها لنقول نفدت جميع الوسائل متل ما قلتلك اطلعي ع الجرح الي اتسبب من فعلتك ... واكيد انا معك لو عزيز ع قلبك وبيحبك رح يجي يعاتبك ويحكي من شو زعل بس احيانا الموقف بيكون اكبر من انو يقدر يناقش الموضوع حتى لو كنتي بتهميه ... لانو يا صديقتي اذا بيحبك وبتهميه ما يعني هالشي يسكر ع جروحو وينسى ...بالعكس انتي لانك بتحبيه وما حابة تخسريه المفروض اضلي عم اتحاولي لترجعيه ....

يعني ليه هو لازم يهمو ما يخسرك ويرجع يرضى بسرعة ... وانتي ما يهمك تخسريه فبتحاولي وبعدين بتنسحبي ... على فكرة اصعب شغلة الانسحاب لانو انتي هيك جرحتيه جرح اكبر واعمق ... علما انو انتي بتكوني مفكرة انو هو الي جرحك بتصرفو انو ما رجع بسرعة.... يعني من كون زدنا الطين بلة ...

واعرفي صديقتي اذا بهاللحظة هاي كنتي انتي عم اضحي كتير وكانت من طرفك ... فرح يجي يوم هو يضحي نفس تضحيتك بزعلة انتي ازعلتيها لا سمح الله ....

يعني الي بدي وصلك ياه لا تستني المعاملة بالمثل بلحظتها مو لانو انتي بلحظتها ضحيتي معناها لازم هو يضحكي بلحظتها كمان حتى لو كانت التضحية على حساب جرح....

يعني مو معقولة انتي رايحة اتباركي لصاحبتك على شي واخدة معك هدية ... وتقولي لازم هي تكون مجهزتلي هدية لانو انا جبتلها ...؟؟!!!!!!!! اكيد رح يجي يوم هي تجي لتباركلك ورح تكون جايبتلك هدية كمان ...

لهيك التضحية لا تستنيها بلحظتها رح يجي وقت تلاقي منو التضحية ويمكن اكبر من تضحيتك.....

منقدر نحنا بحياتنا انعامل كل الناس بالمثل ومتل ما بيعاملونا .... الا بالحب .... الحب يا صديقتي هي مسابقة بين الطرفين لاثبات كل طرف حبه القوي للتاني ... وبالحب مافي معاملة بالمثل في احساس بقلبك ومشاعرك وعقلك لازم اتقدميها كلها ولاخر لحظة..وبرجع بقولك اعرفي انو رح يجي يوم يقدملك ياهم هو كمان لاخر لحظة مو بس لانو بيحبك ... ولكن لانو كمان شاف كيف انتي ضحيتي من قبل من شانو (يعني كبرتي بعينو)وكنتي بتصرفاتك عم تثبتيلو حبك وهيك كان في مبادرة سابقة منك خلتو بالمبادرة الحالية يتصرف هيك.... وهاد هو اسمو التضحية الي كانت من قبلك والي ع اساسها قدم هو تضحية.

أعتذر منك صديقتي الغالية على إطالتي ،، وأرجو أن تتقبلي نقدي وبانتظار رأيك بما علقت ..

وشكرا لمرورك العطر مرة اخرى

اهلا .. اميــرررر ..
كلامك صحيح وسليم .. بس في شي انا ماوضحتو بما فيه الكفاية بردي الأول ..
لهيك ماوصل رأي بشكل سليم تماما ..

حضرتك ذكرت .. انو ممكن يكون هالسبب جرح قاسي مني وماعم يقدر يقلي اياه
قد مو زعلان مني

طيب معقول انا اتسبب للشخص التاني بجرح قاسي لهالدرجة وماحس عحالي!!
معناها انا لا بحبو ... ولا بحس فيه ... ولا بعرف طريقة تفكيرو ...وشو اللي بزعلو وشو اللي لأ ...

واذا نفترض فعلا انا ماحسيت ولا انتبهت ...
وسئلتو اكتر من مرة وبإلحاح شديد
طيب يقلي السبب بس يحطني بالصورة .. لأعرف راضيه

الجفا و السكوت الطويل بيزود المشكلة ...
لأنو ممكن يكون زعلان من شي في سوء تفاهم مثلا ..

يعني تخيل يتم في زعل شي اسبوع وهوي ساكت
ووقت يحكي يطلع مثلا فهمان الموضوع غلط ...

لهيك انا قلت اذا انا غالية عندو ماراح يبعد بسهولة وراح يجي ويقلي انا زعلت من كذا وكذا

بس اذا جرح هالقد قاااسي مني مفروض انا حس

واذا ماحسيت فعلا من حقوو يتم زعلان وكتير بس مابيمنع انو يقلي كمان زعلت من كذا

ووقت انحط بالصورة واعرف سبب زعلو
وقتها مستعدة اني ضل راضي مية سنة اذا بحبو
لرجع المي لمجاريها

اما تم عم راضيه وانا متل الأطرش بالزفة صعبة علي وعليه وفعلا وقتها بزيد الطين بلة

يعني بيمشي الحال انو يزعل وياخد مداه بالزعل بس كون انا بالصورة ليه زعلان

حتى هالطريقة بتملل مع الايام

يعني كل ماصار شي مثلا انا ازعل وااقلب وجهي ويالله انت احزر ليه ؟

لا شعوري مع الايام راح يتم يسلئني ووقت يمل من عدم ردي

راح ااقل كلمو يقلي اياها اوك براحتك بس تروقي قوليلي شو اللي زعلك لاعرف باي طريقة راضيكي

انا عم نفسي ماعندي مشكلة راضي لموت بس افهم سبب الزعل ..

وبرجع بذكر اذا كان جرح قاسي مستحيل شخص بحبو ماراح حس اني زعلتو واعرف السبب كمان

واذا شي بسيط زعل مني فيه معناها مو محتاج الموضوع لصمت طووويل

لانو ممكن يكون وقتها سوء تفاهم .. او بتفاهم بسيط بيناتنا تنحل المشكلة

ونوفر على نفسنا زعل اياام ومنقدر نحل المشكلة بيوم .....

afro

سوري ع الاطالة ....

مبينة ..

مـــاذا ســـتكون ردة فعــلك اتــجاه..؟
بنساه
هـــل تحــاول معــرفة السبــب..؟
لا
أو تنســاه ولاتــهتم بــه..؟؟
أكيد بنساه
أم "تــحن عـــليه"؟
لا
ومـــاذا ســتفعـــل..؟؟
انسى و طنش

تحياتي

اول شي بسال عن السبب
وازا كان سبب تافه بطنش وازا ضلوا على نفس التغير
انا كمان بتغير متل ما هوه تغير
بس ازا كان سبب اوي وانا السبب في بعتذر
وهوه كيفوا ابل الاعتذار ولا ما ابل
شكرا الك امير اتقبل مروري

شكرا على التوضيح لالا ووصل تالصورة وشكرا لردك الحلو

ونورتي

صديقي واخي العزيز جي تي شكرا لمرورك العذب

نورت يا غالي

» ماذا تفعل من أجــــــــل من تحـــــــــب ......؟؟؟؟؟
» نفسي أدخل جوا قلبك وأحس بمعني كلمة أحبك,........!!!