دراسة: المرأة تفضل الرجل المضحك وخفيف الدم

مساء الخير

مساء سوري ..رمضاني الاجواء ...

من حديقة منزلنا ..

بقرب ياسمينة زينها بياض بعض الزهرات ...

تحت سماء صيفية هادئة ....

على كرسي خشبي قديم ....

مع كوب ساخن من القهوة ....

أسير بقلم أزرق على صفحة بيضاء من دفتري الصغير …

دراسة: المرأة تفضل الرجل المضحك و"خفيف الدم"

يبدو أن شخصية الرجل "خفيف الدم" هي من تبحث عنها المرأة، فبحسب دراسة قدمت في المؤتمر السنوي للجمعية النفسية البريطانية،
فإن النساء يصنفن الرجال خفيفي الظل، على أنهم أكثر ذكاء من أولئك الذين لا يتمتعون بخفة الظل.
وقال كريستوفر مكارتي، الباحث في جامعة "نورثامبريا" في نيوكاسل: "على مدار التاريخ،
كانت المرأة تبحث عن صفات في الرجل تدل على ذكائه،
وأعتقد أن القدرة على جعل المرأة تضحك تشكل نموذجاً للذكاء الفذ."
والدراسة، التي نفذها مكارتي، استعرضت عينة من 45 امرأة تتراوح أعمارهن بين 18 و 30 عاماً،
حيث عرضت عليهن شخصيات وهمية لعشرة رجال،
ثم قرأن وصف كل منها، وصنفنها بحسب احتمالات الصداقة،
واحتمالات العلاقة طويلة الأجل، والصدق والذكاء.

وقال مكارتي: "إذا كان الرجل مرحاً، فمن المرجح أن تكون العلاقات طويلة الأجل،
وكذا الحال أيضاً بالنسبة لعلاقات الصداقة."
وكانت بحوث سابقة في "علم النفس التطوري"،
قد أشارت إلى أنه في علاقات التزاوج على المدى الطويل،
تفضل المرأة الرجل القادر على توفير حياة كريمة،
مثل الحصول على راتب جيد،
لكن الباحثون يقولون إن تلك الفكرة لم تعد مناسبة الآن إذ أن المرأة لا تعتمد على الرجل في إعالتها.
ومضى مكارتي يقول: "هذه الدراسة، ورغم صغر حجم العينة،
فإنها تبين أن الرجل الذكي نادراً ما يفشل في عمله،
وتالياً هو أكثر قدرة على إعالة زوجته وأطفاله."
من جهتها، قالت هيلين فيشر أخصائية الانثروبولوجيا،
إنه "بالنظر إلى أن الضحك يجعل الناس يشعرون على نحو أفضل، فمن المنطقي أن تفضل المرأة الرجل خفيف الظل،
خاصة للمساعدة في مشاق رعاية وتربية الأطفال."
وأضافت أن "الرجال خفيفي الظل يمكنهم التخفيف من سوء الأوضاع، وبالتالي تقليل الضغوط في الحياة،
والتصرف بشكل أفضل حال مرت العلاقة بين الزوجين بمرحلة حرجة."

هلأ صديقتي الدراسة ما عم تقول انو يضل فاتح تمو وسنانو مبينة...

في رجال دائما مكشر والضحكة ما بتطلع من تمو الا نادر ..... وفي رجال مزوحين وخفيفين الظل بس مو معنى هالشي انو حياتو كلها ضحك ومزح وتنكيت وما فيها جد.... هيك قصدهم بالمقارنة

يعني انو يكون على طول مكشر وجدي ... او (يكون مزوح وبيضحك وخفيف الدم وبنفس الوقت جدي وذكي) .المعنى التاني هيك قصدهم هاد الي فهمتو انا ما بعرف شو رأي أميرنا

وبالنسبة للرأي التاني أي انا بلاقي فعلاً انا ورفيقاتي كتير من حب الشب الي بيمزح وبيضحك ودمو خفيف وبنفس الوقت وقت الجد جد . ما بعرف شو رأ|يك عاشقة صح؟

شكرا لك أميرنا على الموضوع الرائع وتقبل مروري

بس بصراحة يا وردة ، أنا لقيت أغلب البنات حتى بمجتمعنا العربي بحبو الشب اللي مقضي عمرو ضحك ومزح ، وأنا عم أحكي عن واقع تجربة عنا بالجامعة ، انو بتلاقي الشب يلي بيضحك كتير هوي اللي عم يحكي مع بنات ، والشب الجدي دائما بعيد عن البنات ، بغض النظر عن قوة الدين عند هالشخص
سبحان الله ... بتلاقي التقسيم هيك متل ماعم قول

وشخصياً أنا ...... لما بحكي مع زميلاتي بشكل جدي ، بتلاقيهم بس بدهم يخلصوا
أما إذا الحديث فيه تنكيت وضحك ، بتلاقيهم مبسوطين وبدهم الوقت يمشي شوي شوي
والقليل جدا جدا جدا .. يلي بيعترف بقاعدة كلشي إلو وقتو

مع احترامي الشديد جدا للبنات ..... بس أنا مع هالنظرية 100 %

مشكورين جميعا لمروركم الطيب

هلأ الكل حكيو صحيح وما اختلفنا فيه

بس انا برأي الشخصي الانسان لازم يكون مع اصحابو وبالجامعة وبحياتو العادية متل ما لازم يكون بعد الزواج التمثيل وحب التنكيت لمجرد لفت النظر هاد اكبر غلط والله يلا لصير مسخرة من شان فلانة تعجب فيني

يعني الي بدها تحكي معي على ما انا عليه اهلا وسهلا والي مو عاجبها تروووح دور ع غيري وهاد كان مبدأي بالجامعة .

وفعلا طبيبنا مو بس بمجتمعنا العربي والغربي كمان بتلاقي هالشي موجود بيضحك تعا نحكي معو جلف تعا نبعد عنو وهالشي غلط

هلأ انو نحنا نغير هالشي بعرف ما رح نقدر

بس على القليلة كل واحد بيعمل بالي هو عليه ويحاول ما يغير من حالو ليعجب الناس

وشكرا مرة تانية لمروركم الطيب

الحقيقة ياجماعة كل كلامكون صح 100%

بس في اوقات لازم يكون فيها الواحد مضحك واوقات لا

انا هاد رأي
يعطيك العافيه اميرنا

أول شي حمد لله على قيامك بالسلامة صديقي

كلامك مظبوط لان كلو الو وقتو

وشكرا لمرورك الطيب حبيب الكل نورت

الله يسلمك امير

ويعطيك العافيه

صح هاد الكلام لمعدل انا هيك بشوف راي من رايكم

هههههههههههههه يبعتلك الهنا الاهي انتي ع طول معنا عاشقة سامووو

نورتي صديقتي

يسلمو عالموضوع الحلو
وانا بيعجبني الشب يلي دمو خفيف
بس مو كل الوقت
يعني وقت الجد جد ووقت المزح مزح

أكيد وهاد الصح ... ومو بس بعلاقة الاصدقاء والشباب والبنات

أعتقد بكل شي بحياتنا المفروض يكون وقت الجد جد ووقت المزح مزح

مشكورة صديقتي لمرورك العطر

انا بحب المضحك وخفيف الدم والجدي وكل شئ بوقتو حلو

مشكورة صديقتي سما حمص لمرورك العط .. وانا هيك بحب الشب هههههههه

نورتي

» دراسة :المرأة تقضي 76 يوماً من حياتها تعبث بمحتويات حقيبتها
» كيف يسعد الرجل المرأة؟!!
» متى يكره الرجل دموع المرأة
» من هو الأكثر عنادا ؟الرجل أم المرأة؟
» من يبدأ بالعتذار الرجل ام المرأة؟!